samy hamamina (dano)

Veloma vetivety lay Iarivoko iny
Fa lavitra ahy loatra lay olon-tiako any,
Embona azy aho ka mahatsiaro ny fahiny
Sasa miandry foana ka aleko aloha makany.

Mba tsofirano aloha handao ho mandrapiaona
Hotody saomantsara any lavitra any;
Nofinofiko aza hijanona any foana
Fa ianao mitazona ahy ho lavitry ny akany.

Ianao ilay Iarivo,Iarivo izay maditra
Hilaozako tsy aharitra any anilan'ilay tiako;
Ity rendraredranao inoako fa tsy ritra!
Ho atakaloko azy,izay no faniriako.

Ianao sa Izy no akaiky izato foko?
Misitery be sarotra valina...
Tsapako anefa ny amiko tsy miofo,
Fa na Ianao na Izy samy hamamina.

dano 15-06-2012
--------