Izy (Djaw)

Voninkazo tsara, izay no azoko lazaina ;
Mandravaka ny tokantranoko, mamelon'aina.
Izy izay manome hanitra tsy manan-tsahala ;
Ilay tokako, tsy misy faharoa, antsoiko hoe malala.

Neny, izay no iantsoan'ny zanako azy ;
Minisitry ny tokantranoko no fiantsoko azy.
Manao izay tratry ny ainy iahiana ny vady aman-janany ;
Izay isaorako ny Tompoko, satria izy dia tena Anjely eto an-tany.

Tsy manan-tsahala, iza tokoa no mitovy aminao ?
Ry tianay, ny tena marina dia tsy misy mahasolo anao ;
Ihantahantanay mianaka rehefa misy manahirana iny ;
Tsy mahalala sasatra fa mijoro hatrany ho an'ny ankohonany.

Mendri-piderana tokoa ianao ilay tokanay ;
Vehivavy mahery, renin'ny zanako, anjaranay.
Ny mivavaka mandrakariva no ataonay mianaka ho anao,
Ka ny Tompo anie hanome hery, tanjaka sy fahasoavana rehetra ho anao !

DJAW (04/06/23)
--------