Mba rahoviana ?... (Djaw)
(Nalaina tao amin'ny vetso.serasera.org)
Mba rahoviana ihany akia ?Mba hifankahita, hihaona amin-dry ;
Fa te hiresadresaka, hifampitafa aminao ;
Fa te hahita anao, hifampizara vaovao.
Mba rahoviana ihany akia ?
Isika roa no mba afaka hiara-dia ;
Tsy misy izay mandrara, mamatotra ;
Tsy misy mampitebiteby, mampatahotra.
Mba rahoviana ihany akia ?
No mba afaka hamihina an-dry ;
Mba hibitsibitsihako ny vetsovetsom-poko ;
Hanaposahako aminao ny tena ato am-poko.
--------
Rohy:
https://vetso.serasera.org/tonokalo/djaw/mba-rahoviana-
Sokajy :
Fitiavana
