Tsarovy - Djaw

Azo vakiana?

Ry tany, taniko malala !
Azafady raha manontany satria tsy mahalala.
Nahoana moa ny hoditrao toa lasa vakivaky ?
Lasa saina aho, sao mba notetehana famaky ?

Ny paompy sy vovon-drano tsy misy !
Ny vavarano fidiovana sasatra !
Fa raha ny vahaolana aloha tsy misy,
Angamba hitohy izao, tsy hitsahatra !

Mba hono indray ry tany !
Fa angaha ianao sipa fa tsy bandy ?
Tsy dia misy volon-koditra manko ianao !
Nikakasanao ve sa nanalanao ?

Mahagaga ahy mihitsy ianareo izany !
Tsy mahalala ve sa mody tsy mahafantatra ?
Ka mbola mahasahy manontany !
Nefa ny valiny izao efa fantatra !

Nefa tsarovy fa ny voloko no iainanao !
Tsarovy fa ny vatako no ihinananao !
Ary tsarovy fa ny dinitrako no mamelona ianao !
Ka aza finaritry ny manimba ny ahy ianao !

Hametraka hevitra

Midira aloha

Mombamomba

Mpanoratra : Djaw

Nampiditra : Djaw
Daty : 29/12/2007
Mpamangy : 1389
Mankafy : 0

Tononkalo hafa

L’eau à la pluie
Mainty mira fotsy
Izany elanelanin-tany
Ho anao
Tsy ho lefy
Veloma rahavako !
Mba rahoviana ?...
A ton ange !...
Juste pour te dire que t'es belle !
Dada