Tsy tantiko… Ry taniko… - Djaw

Azo vakiana?

Ary mba iza ary izany mitomany izany ?
Toa efa naharitra elaela nefa tsy mitsahatra ihany !
Andraso hojereko kely, mba asiako maso !
Sao izany olona izany dia mba ho matin-dranomaso !

Hoadray ! Toa olona fantako izy izany mba marina !
Kanefa toa efa tsy hisy volo izy izany fa maninona ?!
Ny ambiny sisa, toa esorin-dry lerony tsikelikely !
Ireto zalahy ireto koa lesy tena bandy tsy mamely !

Andriakaiky ô ! Ary maninona ary izany vatany izany ?
Izao rehetra izao ve lesy mba rariny ?!
Ty vatany vakivaky, toa nodidididiana tamin’ny antsy !
Tena hita mihitsy ireto fa tena olon-dratsy !

Ohatry ny mahagaga ihany izany ataon-dry takaka,
Nefa io olona am-pijalian-dry zareo io ka...
Mpanampy ny manodidina, mpamelona ny tanàna,
Satria olona tsara fanahy, olona malala-tanana !

Aleo idirako an-tsehatra fa tsy tantiko !
Satria ohatry ny tohina ny ato anatiko !
Ary iza koa moa mahalala, sao mba misy manam-panahy ? !
Hiaro azy… Hiaraka amiko… Hanampy ahy.

Mombamomba

Mpanoratra : Djaw

Nampiditra : Djaw
Daty : 24/01/2014
Mpamangy : 1264
Mankafy : 0

Tononkalo hafa

L’eau à la pluie
Mainty mira fotsy
Izany elanelanin-tany
Ho anao
Tsy ho lefy
Veloma rahavako !
Mba rahoviana ?...
A ton ange !...
Juste pour te dire que t'es belle !
Dada