Valim-bavaka (Fanomezantsoa Lcv)

Taona maro no nitolona
Nandoalika nivavaka
Nangatahiko ilay olona
Tena tsara sady miavaka

Nitalaho tsisy otr'izany
Fa te hanana ny soa
Niangavingavy, nitomany
Fa maniry ny hiara-droa

Dia niandry, nanantena
Natao ambony ny finoana
Nianatra nanetritena
N'inon'inona midona

Fa taty aoriana kosa
Hendre zany hafaliana
Nody ventiny tokoa
Ilay rano natsakaina

Ny Tompo tsy mba tara
Fa manana fotoana
Tena mety sady tsara
Anasoavana ahy fona
--------