Ny hakanton'ny asa soratrao (Rary Nofy)

Valin'ireo asa soratra nosoratan'ireo poéta malagasy

NY HAKANTON'NY TONONKALONAO
Tena asa soratra bikàna sy soa;
Ireo natolotrao fa dia mirary soa.
Tohizo hatrany hatrany izany fanoratana;
Fa io no haren-tsaina,sy hany fisandratana.
Ny asa soratrao toa mandoandoana ny fo;
Hita ao avokoa ireo karazan-kalokalo;
Na ireo kivy aza raha toa mandalondalo;
Dia toa miramiran'endrika fa tsy mihalohalo.
Kanto tena kanto izany aingam-panahy;
Toa finaritra aho,rehefa mamaky azy iny.
Fa toa mampiseho tsiahy,efa raikitra ho lo;
Ka mankarary ny aiko,fa indrindra moa ny fo.
Mahavariana ahy ny asa soratrao;
Toa manala sorisory sy izay rehetra mankalao.
Tao ireo hakiviana,izay nampalahelo;
Afaka avokoa rehefa mamaky,ilay tononkalonao.
Tiako re,mahafinaritra,mampifaly
Ny fanakambananao ity Voambolana
Milanto ery,ary koa mifamaly
Ireto tsindrim-peo,ny vanin-teny;
Mahafatram-po,manintona ny maso;
Soraty foana re na masoandro na diavolana
Maharavo.A 11.05.2017
Sabotsy namehana Avara-drano
--------