Tsy mba... (Rary Nofy)
Mbola tsisy niantsa
(Nalaina tao amin'ny vetso.serasera.org)
TSY MBA...Tsy mba gaga ve ianao?
Mahita azy tsy miteny!
Asssah raha voatsikaritrao;
Ireny fahanginany ireny.
Toa nafeniny dia nafeniny;
Nokobonina tao anaty
Ireny mba eso-teniny.
Sy ireo alahelo izay tsy tanty.
Tsy mba variana ve ianao?
Mibanjina azy toa mangina!
Asssah re raha fantatrao;
Ny antony tsy mba nitsikina.
Ambarao raha fantatrao!
F'aza aseho mivandravandra.
Ataovy anaty pika maso;
Dia ho fantatro izay ambara.
Tsy mba taitra ve ianao?
Mandinika ny ataony!
Fa toa tsy toy izao;
Ny fomba mba fanaony.
Toa hafahafa ny fihetsiny
Toa tsy mba mitsiky izany;
Fa toa malazolazo hatrany
Ny piti-maso izay sendra hitsiny.
Maharavo.A 10.05.2017
Sabotsy-Namehana Avara-drano
--------
Rohy:
