Vetsom-po (Rary Nofy)
Mbola tsisy niantsa
(Nalaina tao amin'ny vetso.serasera.org)
VETSOM-POVala-balaka ny vatana;
Rera-dreraka ny saina;
Ka mitambolona tsy tana
Ireo sorisory sy taraina.
Torovan-drovana ny fo
Izay mitempo isa-minitra;
Malemilemy toy ny akoho;
Tsy ho ela dia hitritra.
Kivikivy ny fanahy;
Malahelo aok'izany;
Toa mifoha ireo tsiahy;
Toa mitraotra hatrany hatrany.
Tezitra angaha izato fanahy?
Ka tsy mamela ahy ahatsiahy!
Ireny lasana hatrizay;
Sy ireo ora mangidy izay mivaivay.
Kivikivy aho maminany;
Asany re fa nahoana?
Oriory ny foko,toa tomany!
Fa tsy eo ianao manoloana.
Dia hisaona indray ve?
Ianao ry fanahiko!
Dia afeniko ilay hany aingam-panahiko
Hangina tsy hanoratra,
Ireo rehetra hita sy re;
Ka hivetso mangina anaty
Ireo rehetra tsy tanty;
--------
Rohy:
