MAINTIN'ALOKA, FOTSIN'ANDRO (Hajaina )

Mbola tsisy niantsa

Hangataka antsa
(Nalaina tao amin'ny vetso.serasera.org)
MAINTIN’ALOKA, FOTSIN’ANDRO

Raha tsy eo ianao: maintin’aloka ny lokoko
Tsy fantatrao angaha, fa ianao no efa tokiko?
Nivoadini-dra tsy satry ny tavako fadiranovana
Sarintsarin’olon-tsembana ka maniry ny harovana.

Raha tsy eo ianao: fotsin’andro hatsatra aho
Matim-bela toa tsy avotra, lanin’orana mitraho,
Tari-drano ankilahila ity fiaina-mahonenako
Be ny very, izaho irery, izaho sy ity fieremako.

Raha eo kosa ianao, irony mainty sy ny fotsy
Na ny aloka sy andro: toa mozika handrotsirotsy,
Ny androm-piainako hisosa, tsy hataho-masomena
Tena olona aho iky, feno fahaleovantena.

Hajaina
okt 2005
--------
Rohy:
Sokajy : Aingam-panahy
1216 2
Hevitra mandeha
Zozoro ( 30/07/2009 12:41)
Iainako ity aingam-panahinao ity.

indrindra fa ity andininy hoe :

Raha tsy eo ianao: fotsin’andro hatsatra aho
Matim-bela toa tsy avotra, lanin’orana mitraho,
Tari-drano ankilahila ity fiaina-mahonenako
Be ny very, izaho irery, izaho sy ity fieremako.

Mankasitraka eh !
Mysento ( 02/08/2009 11:39)
aiza dia, miatehitra aminy loatra!
Hametraka hevitra
Midira aloha
Momba ny tononkalo
Mpanoratra : Hajaina
Nampiditra : raozigasy
Daty : 29/07/2009 15:08
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101