You are here: home > Vetso

SAKOA IZAY - Hajaina

Azo vakiana?

SAKOA IZAY

Aza taitra amin’izay zava-mitranga
F’ianao no rangory mpamelona ny afo,
Ianao no efa zatra sy tia langalanga
Ka mody mba voky mahita sakafo.

Misy ireo maso izay mipitrapitra?
Misy ny fo izay mangaihay?
Nahoana efa fantatra izao fa ditra
Ka mbola tsy foy irobohana indray?

Ny maso sy fo izay nitondra takaitra:
Naratra tsy fidiny noho ianao
Dia niantso tody sesilany tsy laitra,
Vokany angamba izao loza izao!?

Misy farany avy ny zava-drehetra,
Ny ferin’ny hafa ho sitrana indray
Ny zioganao kosa: tsy mampitsetra,
Kapoka io…. Sakoa izay!


      HAJAINA
      Okt 98

Sokajy : Aingam-panahy

Hevitra mandeha

Mysento (02/08/2009 11:35:39)


aza ,latsaina.
fa hanaro hisaina.

Hametraka hevitra

Midira aloha