ny lasa... (HASINIONY)
(Nalaina tao amin'ny vetso.serasera.org)
Hatrizay ny lasa . . .Oviana moa ny tsiaro ?
No tsy nitondra ratra
Sy rofy miharoharo,
Toa mampanavinavy
Takaitram-pahatsiarovana
Manembana ny ho avy
Ka tonga mahatorovana.
Saingy io no trano bongo manetro-takariva
‘Zay hany aro oran’ny lalamben’ny velona
Hazo amoron-tevana madiva dia madiva…
Ny siokanao ry lasa toa satry indray hielona!
--------
Rohy:
https://vetso.serasera.org/tonokalo/hasiniony/ny-lasa
Sokajy :
Eritreritra mandalo