Indrisy ry foko! (Hatenaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Indrisy ry foko voatefy tomany
Indrisy ry foko efa zatra mijaly
Indrisy ry foko torovana hatrany
Indrisy ry foko tsy mitsaha-marary

Aiza no misy an'ilay fanafody
Aiza no misy an'ilay fahasambarana
Rahoviana ireo tsiky vao mety ho tafody
Rahoviana no ho afaka izato hasasarana

Indrisy ry foko be fitarainana
Tsy nahita ny mamin'ny fiainana akory
Fa voky tomany sy zatra fisainana
Ka sasa-misento fa ory dia ory

Eny,ry foko nanofy an'izany fiadanana
Nitsimpona mamy naloan'ny olona
Ry foko tsy nanana izay mba fananana
Nigoka ny mamy tanatin'ny tolona

Eny,ry foko mahantra sy rakotra fery
Jereo ity ianao fa efa ila ho faty
Ry foko mahantra efa zatra miery
Indrisy ry foko "nigoka ny mangidy tsy tanty"!
--------
Rohy:
1537 1
Mpakafy: Hatenaina
Hametraka hevitra
Midira aloha
Momba ny tononkalo
Mpanoratra : Hatenaina
Nampiditra : Hatenaina
Daty : 05/11/2018 13:35
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.189