You are here: home > Vetso

RATOVOVAVY - Hatenaina

Azo vakiana?

E !indrisy anie ra tovovavy
Fa toa maika loatra izato izy
Tsy vodiondry tsy mariazy
Sa maika hitaiza ankizy ?

Niangolangolany  ianao dia tavela
Nitositosiny ianao dia taraiky
Tsy fantatrao anefa fa efa tena ela
Ianao no tiany mba hanaiky

Hanaiky hanaovany ny hadalany
Satria heveriny ho sanana
Nefa  tsy omeny  ny hatanorany
Fa avy eo izy mitady lalana hialana

Noheverinao izy hoe tena tia
Tena fanaperana  eto an-tany
Dia navelanao izy hankafy
Sy hanaram-po sesilany

Voatambitamby ianao voadoka
Nomeny toky mihitsy aza hoe :
Raha  sanatria ianao bevohoka
Dia hiaina am-piadanam-be

Indrisy anefa fa ny toky fitaka
Ny lehilahy moa tsy hita fery
Fa voakenda ianao voatsipaka
Izao ianao ity navelany ho irery !

Tsy handatsa anao sanatria
Na hamendrofendro akory
Fa mba tovovavy koa ny aty                                                                                                                                                                     Ka mahatsapa anao hoe ory
14/02/20  (17:38)

Sokajy : Fitserana

Hametraka hevitra

Midira aloha