Etsy babeko - Ivetso

Etsy babeko razandry malala.
Etsy babeko, aza misalasala.
Fiakara-mideza no hanihintsika,
Ny andro manorana sy mangatsiaka.


Etsy babeko razandry malala.
Etsy babeko fa isika hiala
Amin'ny làlan-kizo izay ety dia ety
Tsy ahafaha-mandroso ka tena tsy mety.


Etsy babeko razandry malala.
Etsy babeko, aza misalasala.
Hiaraka isika, izaho tsy hanary ;
Izaho sy ianao dia toy ny rano sy vary.


Etsy babeko razandry malala.
Etsy babeko, fa kirihitr'ala
No hovakivakina hihoarana bonga.
Roso ny dia fa tsy maintsy ho tonga.

Hametraka hevitra

Midira aloha

Mombamomba

Mpanoratra : Ivetso

Nampiditra : Vetso
Daty : 24/12/2003
Mpamangy : 2734
Mankafy : 3

Tononkalo hafa

ANATIROVA
Ry tsy fantatra anarana
Ny fanahy no olona
I amalonkely
Asaramanitra
LOUISIANE