AZA MANODY (janahary)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tsy haiko ho'aho malala
Na ny ambin-toakanao
No dia mahery loatra
Ka nampitroatra indray
Ny ngidim-pahoriako
Nilaozanao sahady
Fa ny ambiny tsy lany
(Tsy telinao angamba)
Nataoko indray misotro
Noheveriko hampisava
Ny alahelom-poko
K'izany mihitsy hoy aho
No nampalemilemy
Sy nampitondra faisana
Ny vatana marefoko
Tsy ampy fitandremana
Kinanjo izao ity
Latsain'ny fanenenana

Ny molotrao nitohoka
Ilay sigara "baoroka"
Tavela tato an-tranoko
No mba nifohako azy
Ka reko nankarary
Sy nampanavinavy
Ny aty tratra keliko
Kofon'ny fitiavana
Fitia hitsentsitsentsitra
An'izay voatsentsitrao
Hany ka ny an-dohako
Nanjary valalalanina
Ny tenako aza mantsy
Tsaroako fanimpanina
Tsy nahatsiaro hanina
Hariva manontolo
Tsy nahajoro akory
Fa tonga dia natory.

Janahary.
29 Mey 2011
--------
Rohy:
1231 0
Hametraka hevitra
Midira aloha
Momba ny tononkalo
Mpanoratra : janahary
Nampiditra : kiriah
Daty : 27/04/2013 18:11
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.014