MANIRY... (JERY)

MANIRY...

Tsy haniry dera sy laza aho
Fa maniry koa raha maniry
Hisy fo sahy hilaza
Fa sambatra eo anilan'ny tiany
.
Tsy hitady voninahitra aho
Fa mitady koa raha mitady
Hasambarana ho anao
Ho fanilo anaty ady
.
Tsy hila tambiny aho
Fa mila koa raha mila
Valin'ny ezakao hitraka
Mba ho zary fifaliana
.
Tsy hiseho ho marina aho
Fa hampiseho koa raha hampiseho
Fa mana-namana hatokisana
Miombo-po,miray feo
.
Tsy hibanjina lanitra aho
Fa mibanjina koa raha mibanjina
Ireo lavon'ny onja-tany
Hanampy azy ho tafiarina
.
Tsy hirary fitsetrana aho
Fa mirary koa raha mirary
Tsy handona anao intsony
Ny fahorianao omaly
.
JERY
PAGE FACEBOOK: Tononkalon'i JERY
--------