MISAOTRA (JERY)

Mbola tsisy niantsa

Hangataka antsa
(Nalaina tao amin'ny vetso.serasera.org)
.
Misaotra tamin'ny vita,ekena fa tsy anjara
Misaotra fa efa betsaka ny zavatra natao
Misaotra namela tsiaro voarakitra tantara
Misaotra fa maratra izao 'lay fo nilaozanao
.
Misaotra tsy nanafina fa tena tsapako mazava
Misaotra nampahory ny fo tsy manan-tsiny
Misaotra fa voaray na dia tsy tenenina aza
Misaotra fa tena itako ny nifanorohanareo iny
.
Misaotra fa tsy hidongy ny efa misy tompony
Misaotra na dia aloka no sisa mba tavela
Misaotra nanaiky mora fa nitsapatsapa fotsiny
Misaotra fa nody maina ny tia mba nanantena
.
JERY
--------
Rohy:
505 1
Mpakafy: landryjery
Hametraka hevitra
Midira aloha
Momba ny tononkalo
Mpanoratra : JERY
Nampiditra : landryjery
Daty : 19/01/2022 23:07
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0666