SANTIONANY (JERY)

SANTIONANY

Santionan'ny hasambarana mbola hiainantsika izao
Santionan'ny alahelo vokatry ny fitia
Santionan'ny tebiteby,ny adiady izay fanao
Rehefa tena tafahorina ny tokatranontsika

Santionany ny hafaliana tsy homby tratra ombieny
Santionany ny eritreritra mitebiteby lava
Santionan'ny ranomaso mbola hilatsaka any ireny
Rehefa tena tafatambatra ny fontsika ry malala

Santionan'ny fiainan'ny olona any am-paradisa
Rehefa tena tafahorina ny tokatranontsika
Santionan'ny fitia mbola homeko anao any

Santionan'ny tebitebiko ny andro tsy hihaonana
Santionan'ny adalana,santionan'ny fisaonana
Santionan'ny faniriana ry tokako eto an-tany
JERY
RAKOTOMALALA Tsiriniaina Landry
--------