SETROKA (JERY)
Mbola tsisy niantsa
(Nalaina tao amin'ny vetso.serasera.org)
SETROKANy setroka ateran'ny afo
Dia mijoro miakatra ambony
Fa ny rano araran'ny maso
Dia mikiky mandoaka ny fony
Ny setroka avoakan'ny afo
Zavom-be tsy hifankahitana
Fa ny rano voahangon'ny maso
Ranomasina sarotra hitäna
Ny setroka avelan'ny afo
Hanjavona tarafin'ny andro
Fa ny rano tsihifin'ny maso
Tsy ho ritra an-taonany maro
Ny setroka dindon'ny afo
Dia alon'ny filedaledany
Fa ny rano sisain'ny maso
Dia fanaovam-beloma ny tany
JERY
Page facebook: Tononkalon'i JERY
--------
Rohy:
Sokajy :
Fisarahana - Aingam-panahy
Mpakafy:
landryjery
