SORATRO (JERY)

SORATRO
.
Soa fa nisy anao aho ry SORATRO
Nandrakitra an-tadidy ny tsiaro tsy ho faty
Soa fa nisy anao aho nitolona
Niaraka nizaka ny ngidy sy ny mafy
.
Soa fa nisy anao aho nampitsiry
Ny raozy efa nandazon'ny taona tsy hita fetra
Soa fa nisy anao aho mba nikiry
Nampitraka ahy hatrany sy hiatrika ny sedra
.
Soa fa nisy anao aho ry SORATRO
Hanembonako ny lasako,hanantenako indray ny ho avy
Soa fa nisy anao aho ka haborako
Raha toa nilaozanao aho,ohatr'izay tsy efa maty?
.
Dia soa fa nisy anao aho Ry SORATRO mitoetra
Mana-namana tokoa ity ny havanao
Soa fa nisy anao aho ka izao no tarigetra
Ho ravahantsika soratra izao tontolo izao
.
JERY
--------