AZA AVELA - Joh

Azo vakiana?

Aza avela hangatsiaka
Ity tokantranontsika
Fa itondrao ilay hafanana
Ivimbino hazavana

Aza avela ho ratsiratsy
Na koa hangasihasy
Fa itondrao ilay voninkazo
Manitra sy tsy malazo

Aza avela ho matimaty
Na koa ho lany daty
Fa itondrao ilay fanafody
Mahamanina ny mody

Aza avela hanirery
Ity tokantrano kely
Fa haingàna ka modia
De hivimbino 'lay fitia

Aza avela ho voaroba
Na koa voasotasota
Fa haingàna ka ambeno
Itondray ‚lay fitia feno

Aza avela hangata maso
Na lalovan'ny ankaso
Fa hitondray fitia madio
Ity ankanintsika anio

Aza avela ho olon-drery
No hiambina tsy ho very
Ilay fitia an-tonkatrano
Fa ny roa no voatsodrano

Aza avela hianjera ny voninahitra efa entiny
Fa tazony tsy ho very ka tena hody ventiny
Ny rano natsakaina tao an-tokantrano tao
Iaraho misalahy fa ho tena tsapanao
Fa fiadanana tokoa no azo ao an-tokantrano
Ka tsy ho tafiditra ao ireo loza sy angano

Hevitra mandeha

nyeja (24/08/2005 16:28:30)

"aza avela "lohatenin'ny tononkaloko koa io. tsara ry petitbateau a mahereza fa mahay ianao e

Lepetitbeau (24/08/2005 16:39:53)

misaotra an'i nyeja fa mankahery misaotra eee!!!

Hametraka hevitra

Midira aloha

Mombamomba

Mpanoratra : Joh

Nampiditra : Lepetitbeau
Daty : 23/08/2005
Mpamangy : 1257
Mankafy : 2

Tononkalo hafa

NY FITIAVANTSIKA ROA
Noely
TIA2005
Tiana
Neny o!
Tsy hahasaraka ahy
Ry tiako
Ry taniko!
Ny sigara
Ratram-pitia