NY RENY (LAVENONA)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny RENY no miavaka indrindra eto an-tany
Satria dia tsy mora ny zavatra entiny
Mantsy ny fiainany feno tomany
Ka rariny loatra raha misy ny fetiny

Raha ny an'ny Reny? Tsy mora ny adiny
Mihitsy mizaka ny tsy eran'ny aina
Tsy vitsy ny miaritra ny ditram-badiny
Ka nefa izy izy ireny tsy mba mitaraina

Ny Reny misahana zavatra maro
Raha ny fiainana ,be no efa hitany
Vehivavy izy ireny ka nefa fantaro,fa...
Tsisy mahavita ny zavatra vitany

Hafa ny Reny ka tsisy mahasolo
Mitaiza ny zanany sy ny hetsetretsetra
raha mbola ao an-trano dia izy daholo
No indro mikajy ny zava-drehetra

Ny Reny dia tsotra ary koa be fitiavana
Fitia tsisy mpanana raha ny azy ireny
Noho izany dia tsora ny tiako hahatongavana
" Arahabaina nahatratra ny fetin'ny RENY"

LAVENONA
29/05/2022
--------
Rohy:
Sokajy : Reny
45 0
Hametraka hevitra
Midira aloha
Momba ny tononkalo
Mpanoratra : LAVENONA
Nampiditra : danielroimemy086
Daty : 24/04/2024 07:39
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0499