SARISARY NOFY (Miangaly Teny)

Nantsain'i
(Nalaina tao amin'ny vetso.serasera.org)
Jereko ilay lanitra mirava-bolamena
Volafotsy, vato soa, harena sesehena
Tazaniko ny vohitra mihaingo safira
Sy mikalo ho an’ny tany karazan-kira

Dia ilay nofy tato an-tsaiko, tonga sarisary
Sarisary misy tsiro, mamy noho ny fary
Ny nofo sy ny tena indro indray nitsonika
Nanaraka ny ony : tsy sanatria hoe rotika

Nofy sarisary tonga sarisary nofy
Loko voambavoamba aza re niofo
Mba ho kanto noho ny meva

Ilay hazavana maizina indro fa nazava
Ny rafitra napetraka ireny indray fa rava
Nanototra tsy hita ilay nekena ho faneva

Miangaly Teny
--------
Rohy:
Sokajy : tsara
434 1
Mpakafy: 0109
Hametraka hevitra
Midira aloha
Momba ny tononkalo
Mpanoratra : Miangaly Teny
Nampiditra : 0109
Daty : 02/06/2022 13:34
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0151