EFA NAHITA VOLANA ? (Miarantsoa Anicet)

Mbola tsisy niantsa

Hangataka antsa
(Nalaina tao amin'ny vetso.serasera.org)
Efa nahita volana aho ry zanako .
Dia..Volana mihosin-dra
tao anatin' ny alina
Mihosin' arina .

Indro izy misandratra
Avy ery amin' ny fiposahan' ny
Masoandro
Hanazava ny ato am- poko
Fa hanamainty ny aty-saiko .

Im-betsaka aho no fanina
Fa novainy ho oloanina
'Zay fototra taretra
Eny an- dalana mpitsetra.

Dia...
Efa nahita volana aho ry zanako
Volana mihoson' arina
tao anatin' ny alina
Mihosin- dra .

Indro izy mitsatoka eo
An- tampon-dohanao:
Hanamaloka ny foko
Fa handrehitra eritreritra .

Ny feoko efa farina
No indro mitankarina,
Rehefa mitanisa
Ny Edena ..Paradisa .
Volana !
Alina!
MIARANTSOA ANICET
--------
Rohy:
2127 1
Mpakafy: nikopol
Hevitra mandeha
nikopol ( 06/09/2005 10:39)
Tiko ary nomeko isa 5
bichette ( 06/09/2005 14:44)
tsara be
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0723