You are here: home > Vetso

Fanatitra - Miarantsoa Anicet

               FANATITRA
Hasiako voninkazo ny tratranao mitony .
Mavana ny raviny fa mena koa ny vony.
Moana anefa ianao tsy afaka hisaotra.
Te hanomboloa koa fa tsy afaka hanoatra.

Handona eto ihany ny ratsandrantsan- tanako .
Tsiaro dia mamangy . Mamangy anao fananako.
Tomany foana sisa no fibada ianteherana ,
Dia kalo ho anao feno sento sy fitserana  

Dada ô ! Inty aho manontany :mba aiza kosa Raiko
Ny lalana mankany ?tsy mino ho' aho ny saiko .
Tsy mino arirariran' ny dongam-pangalarina ,
Tsy mino vovobovoky ny nofo rtsy tafarina .

Moa izaho hanantena ny tenanao hitsangana ?
Vizaka ny molotro , ny tanako efa mangana .
Ny amboara nentiko , Dada ô , milofika sahady.
Ra' ts' izany kosa hofàny aho mba handady.

Farafaharatsiny :  mba raiso ny fitiavako ,
Ho zezika hampirobo ny anjara zara lavako .
Dia indro aho maka vovoka amin'ny nofo miparitaka
Dada ô ! Mino aho fa ho faty ny fasana mpamitaka.

                    MIARANTSOA ANICET

Sokajy : Fahafatesana

Hevitra mandeha

hery (01/12/2004 18:15:40)

Oups... tena valalanina aho namaky ny tononkalo. Tena tsara.

Hametraka hevitra

Midira aloha