You are here: home > Vetso

Helo - Miarantsoa Anicet

Azo vakiana?

                                        HELO
Avela aloha ny foko     hijaly noho izao !
Avela aloha ny foko     hifoko noho ianao !
Avela aloha ny foko      hifoka ireo talaho !

Rahoviana aho vao ho faty ?
           fa ... tena lava loatra ny fiainana eto an-tany.
       Ny fiainana ?
      
         Mihalava fa mihafohy !
         Mitombo nefa mihena !

         Fa.... tena lava loatra ny fiainana eto an- tany.
         Kanefa ny antenaina
              Dia ny any an-danitra any.

Avela aloha ny foko haratra noho izao
Avela aloha ny foko hikofokofoka ao
Avela aloha ny foko ho feno fery vao.

Rahoviana aho vao ho velona?
Fa .... tena ridralava ny fiainana eto izany .
Ny fahafatesana ?

   Fivoahana ny zohy !
   Fahasitranana e re roy !
Fa ... tena ridralava ny fiainana eto izany
Ka hany fanantena
                   Dia ny ho faty ihany!

Fa.... Tena lava loatra ny fiainana eto an- tany
Kanefa ange ny halavany dia...
                                      Ohatra ohatra izany e !
                            MIARANTSOA ANICET  

Sokajy : fiainana