Ho tia ahy ianao rahampitso ? (Miarantsoa Anicet)

Ho tia ahy ianao rahampitso ?
Hamela ahy ianao rahampitso ?
Ny atoandro aho ...Hiantso anao ,
Hiangavy sy hitalao...
Hifona ihany koa ...
Handady tampon- doha ...
Hivalo marimarina ...
Hanodhalika ts' hiarina ....

Ho tia ahy ianao rahampitso ?
Hamela ny efa diso ?
Hanaiky hody aty ?
sa ... hanosika fitia ?
Hamalifaly anao ...
Ho setrin' ny talaho ...
Dia ...hampitsikitsiky
Fa taolana ny nify .

Ho faly ianao rahampitso ?
Hono ho' aho ra- piso ?
Ho tezitra ihany angamba
Ka dia hisinton- damba ?
'Zaho nge efa mifona e !
Ny lohako e hadona
Am' tratranao malefaka .
Izay aho vao hiresaka !

MIARANTSOA ANICET
--------