Miandry anao i kiki (Miarantsoa Anicet)

Raha ' zaho mihintsy ianao
Dia ... Mody tsotra izao.
Rahampitso indray miverina
Na ... Am' taona mitsingerina .

Miala tsiny indrindra
Fa raha ohatra ary hoe
Ato ihany izaho
Dia ... Miala tsiny ho' aho
Fa feno ny fotoanako.
Efa nofoanako
Ny segondra sy minitra
Ahafahako mipitra.

Raha misy ny fotoana
Tsy ahafahanao mimaona
Ka tsy maintsy hankaty
Dia ... Diniho aloha ny dia .
Tsy resaka mpamorina ,
Fa teny tsy misorona
Izao lazaiko izao:

Raha mbola lavitra ianao
Dia miverina no tsara
Efa vita ny tantara.
Ny olona marenina ...Tsy manam- po intsony,
Tsy afaka hanenina
Amin' ny lasa toy itony.

Lava loatra izany :
Tsy hoe mananihany
Fa fadio tena fadio
Ny mimpody aty anio.
Fadio koa toy izany
Ny any aoriana any.

Izao re raha adikako:
Tongava ianao raha manina
Fa miandry anao ny alikako .
Tandremo sao dia fanina.

MIARANTSOA ANICET
--------