Miboiboika (Miarantsoa Anicet)

MIBOIBOIKA
Ô ! Ry lavaka fatsakana!
Izay nohadian' ny mpanao lalàna ,
E... miboika mangarangarana,
E... miboika ka tsy mifarana:
Rano mamy e mba hosotroina
Ranomanitra hamboloina .

Nohirain' ny zazavavy,
Noredonin' ny mpianakavy,
Noventesin' ny mbola zaza :
Nolavahan' ny manan- kaja
Tam' ny tehina fanapahana.
Dia veloma amin' ny fahafahana.

Dia masina e ry Tomponay ,
Ry Mpanjaka Mandrakizay.
Omeo rano e hamelon' aina .
Rano hiboika hatrany an- tsaina.
Tsy mandram- pihaona ry hetaheta.
Tsy mandram- pihaona f 'izay no fetra.

MIARANTSOA ANICET
--------