You are here: home > Vetso

Mitady teny - Miarantsoa Anicet

Azo vakiana?

Mitady teny aho
     Teny feno  ratra
      Amonoana ny tsiaro
      Alahelo tsy omby tratra
      Sy ny  hadalana  maro

Mitady ny molotrao
       Hiteny handrava nofy
       Handavoko ny avelo
       Ambiroa tsy vory nofo
       Tato an- tsaiko velovelo.

Mitady teny mihintsy aho
        Teny e !  Teny  mandratra ....
        Teny mapatahotra
                    Sy mampihorohoro
         Momba ny fitia....
         Anefa ...
         Tsy nikoro
          Ny ianao ninia
          Hanenjika ny satro- boninahitra
          Nomeko ny fitia.

Mitady aho ...
     Miharana...
Miharana ny teninao
          Hamono ato an- tsaiko
          Ny avelonao mav├ány
          Mitady anao lalaiko
          Hamono anao ihany.

Teny a !...Aiza ianao ?
           Ratrao ' ty foko adala!
           Ratrao ts'hitia intsony
           Izaho mikaroka ny fony!

Vonoiko kely im- polo
Ny avelonao mandolo.
Tsy mety maty anefa
Fa ny  efa ihany no efa .
                Izany rehefa adala!
                       MIARANTSOA ANICET    

Sokajy : Dikan-teny

Hevitra mandeha

nyeja (21/11/2004 10:42:00)

efa tojo ny fitia dia toa mora hita ny teny ry miarantsoa fa efa sendra ilay atao hoe mafaitra entiny kosa dia gina tsy mahita ilay teny mifanahaka amin'izay,
tsara ilay tononkalonao mahereza, mendrika ny isa 5 izay nomeko azy ny sangan'asanao
Ny Eja

NyKanto (24/11/2004 17:16:13)

Ny Teny ENY sa moa TSIA
No tena irinao ?
ENY mbola tia, hiaritra hizara
Fitia tsy ho anao
Irery, sa TSIA tsy tia intsony
Kapoky ny fony
Hamono ny avelo sy hanala
Ny mangina
Hitondra tabataba amin'ny
Tontolonao sina?
...
Anoloanao ny ENY sy ny TSIA
Iza no tianao?
F'izaho raha mbola tia
Amin'ny toeranao
Dia aleoko aloha tsy handre
Hinia ho adalain'
Ilay Fitia tsy hita sy tsy re.

Ny Kanto. Novambra 2004

Hametraka hevitra

Midira aloha