INY ILAY TIAKO. (nofinofin'ny saina)

Hitako iny ianao
mandeha tsy taitra akory
mamonjy ny fodiana,
sondriana milalao
toa olona tsy ory
fa variana dia variana


Iny lalana iny
lalovanao isan'andro,
tena tsara vintana
harivarivan'ny vahiny,
Raha dify ny masoandro
ianao indray no kitany.


Lasa sahisahy
raha sendra mitanila
ny varavara-keliko,
resy ilay fanahy,
ka ny rorako aza
saika tsy voateliko
ilay tiako
saika ho tiaviko.


Natsisinao ho ahy
ho sombim-pifaliako,
'lay tsikinao mangina.
Afaka ahiahy
'ty nofoko malemy,
fa sendra fifaliana

NOFINOFIN'NY SAINA
--------