ZANDRY...! - nofinofin'ny saina

Azo vakiana?

Zandry...!
    
        Raha misy tian'ialahy
        Ka miserana any ho any,
        Izay mambabo ny fanahy
        Aza serina avy hatrany
                Aza dia misasasasa,
                fa saino aloha dia mahandrasa.


        Raha izy kosa indray
        No avy dia manafosafo
        Aza maika ny andray
        Sao dia ho vidina lafo,
                 Raha toa mahery vaika,
                 Mahandrasa fa aza maika.


        Raha fantatra mialoha
        Fa tsy aharitra ela akory,
        Aza mbola avela hifoha,
        Avelao aloha hatory
                  Aza maika ny amin'zany,
                  fa sao ialahy dia hitomany.


        Raha toa hoe mipaka,
        Nojerena toa mamony
        Ka efa tena latsa-paka,
        sy mivelatra ny vony,
                  Dia avelao izy amelana
                 Avelao ka aza ferana.


        Rehefa tonga ny fotoana
        Tsapa samy tena tia,
        Ny soratanako eny foana,
        Raha hiaraka ho doria,
                 Tiavo izay ka aza ariana,
                 Na ho irery ka angiana.

Mombamomba

Mpanoratra : nofinofin'ny saina

Nampiditra : tojoninofy
Daty : 11/06/2015
Mpamangy : 979
Mankafy : 1

Tononkalo hafa

RAHAMPITSO
HAFATRA HO ANAO
ADY RARINY
TAKARIVA!
ERITRERITRA!
SORATY IHANY
TSIKY INDRAY MITSIKY!
ANY HO ANY MISY FO...
ZANDRIKELY!
ITY PENIKO MISOSA