FANIRIANA IHANY (Riantsoa)

Mbola tsisy niantsa

Hangataka antsa
(Nalaina tao amin'ny vetso.serasera.org)
Etsy ange ry olona iny
indramiko ny molotrao
mba lazao azy kely

tsy hoe, hono, manadino
fa manao sangodim-panina
hananganana tadio
hitondra rivo-baovao
satria tiako hiredareda
ny dona-tsetroka miavosa
manangan'aloka maria
tiako hirehitra indray
ilay afon'ny fitia
mangatsiaka antaravelona

tsy hoe mamafa ny taloha
fa mba tiako hodiovina
irony lasa, lasantsika
nihosom-bovoka hatrizay
feno tsero-dromoromo
maditiditim-pilam-baniny
mitakoperitry ny akisa
tiako hangirana indray
ilay efitranontsika
efa drodroky ny omaly

vetso ihany, hono, ny azy
faniriana efa havozona
tsiry mba ho fitsiriritra
ilay fitia niaraha-nanorina

izany ange ry olona iny!
--------
Rohy:
Sokajy : Hafatra
1464 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0098