Mangina - Rahira

                                
Mipololotra mora,
Miakatra manakatra iny am-paratazana iny
ny setro-takariva nilaozam-pahazavana
Ireny antokom-borona misidina ary hidina
ny akaniny fonenany, mandalo ity tanàna.
Manokombariolona.

Ndry! Ireto havoana toa manjombonjombona endrika
Dia nangina kalo koa ny lohasaha midadasika.
Manatona tsy mihamba izato vola-manjopiaka
Ny masoandro aza efa rendrika
Efa tapimandriolona.

Toa niato indray sahady ireny antsa maro loko
nilaozan'ny korana,nodimbiasim-pahanginana
Dia nangina teo daholo na ireo mivetso vazo
na mivazo vetsovetso.Dia nangina koa ny tany
Dia injao mamantonalina.

Hametraka hevitra

Midira aloha

Mombamomba

Mpanoratra : Rahira

Nampiditra : Nyakosombinaina
Daty : 22/07/2017
Mpamangy : 556
Mankafy : 2

Tononkalo hafa

Sary sy teny
Poeta maratra
Mahay mionona
Sary vitsivitsy
Iny angamba sisa
Ny Embona
Ny Diary
Ianao ilay poety
Diso ve izaho?
Habaky ny vetso