Sary sy teny (Rahira)
(Nalaina tao amin'ny vetso.serasera.org)
Sary sy tenyInjao manako mora
feon-kira eny ho eny,
manidina eny an'habaka
ny sary sy ny teny.
Ny fon'ireo poeta
no injao fa re miaina,
mandrotsy ny fanahy,
mandrotsirotsy saina.
Dia kanto sady manja
ny fofon-drivo-manitra.
Feno vovo-kintana
miraraka eny an-danitra.
Injao manako mora
feon-kira eny ho eny .
Manidina eny an'habaka
ny sary sy ny teny
--------
Rohy:
https://vetso.serasera.org/tonokalo/ny-ako/sary-sy-teny
Sokajy :
Aingam-panahy
