TE HITSAPA HERY (NY Andri-Fara)
Mbola tsisy niantsa
(Nalaina tao amin'ny vetso.serasera.org)
TE HITSAPA HERYIlay ranomaso hitanao lava
Mikoriana tsy mijanona iny ...,
Tsy ho hitanao intsony ;
Ritra ireny ; kanefa ho avy indray
Hamonto ny ila-tavako .
Saingy ataoko ahoana moa ?
Rehefa tonga ilay fotoana .
Maraina ny andro
Mibaliaka ny masoandro .
Tsy sahiko jerena ny manodidina ahy ;
Ka naleoko nitanondrika , ontsa sy tomany .
Tadidiko ary inoana fa tadidinao
Ilay fahefana nampihaotra ...,
Izay natobakao , ka nampiferinaina !
Ity mpiasa kely tsy misy hery .
Hena maso ve! angamba tsia !
Fa nahoana aho no hitsapanao hery ?
Fahefana handavo namana ?!
Izaho 'lay kely tsy hita ho jerena .
Novambra 2022 Ny Andri-Fara
--------
Rohy:
Sokajy :
Alahelo
Mpakafy:
Tandrify12 - SANAKERIB
