Herisetra (Ny Kanto)

Indro hamidinao
Ny tany tena maminy

Indro ho simbainao
Ny rano, loharanony

Indro ho ravainao
Ny ala sy ny sahany

Indro harodanao
Ny trano sy fananany

Indro hakombonao
Ny maso sy ny vavany

Indro ho tapahinao
Ny togotra aman-tanany

Indro ho hitsahinao
Ny hany fahafahany

Fa nahoana ianao no mihetraketraka aoka izany?
Noho fahefana sy ny vola ihany …
Ireo, tsy azonao atelina akory

Fa nahoana ianao no mihamahery setra aminy?
Raha tokoa tena fantany
Fa ianao no hampahory ...

Ny Kanto Parisy
--------