Mihelina - Ny Kanto

Azo vakiana?

Mihelina,

Mihelina ihany Ra-olombelona
Mifandimbidimby sy aelin’ny rivotra
Fa ny asa navelany ho antsain-ko velona
Ny soa hitsingerina, ny ratsy ho ringitra

Ny soa tavela sy ny  firoborobony
Tsy hitsahatra hatreo ny fisandratany avo
Toa tononkalo amin’ny firedoredony
Tsy mety maty sy tsy mety lavo

Ny mamela mamy, maty miadana
E ! Ny andro rehetra dia fandalovana
Fa tsy ho lefy hanitra ilay fisiana
Ho velona an-koatra sy ho tsara levenana.


Ny Kanto.


Mbola tsy mitraka akory ny fianakaviam-ben'ny haisoratra malagasy dia indro fa niraraka ihany koa ny Kintana nitondra ny famirapiratany niavaka teo amin'ny literatiora malagasy. Lasa i GRG, fa ny soratra navelany dia hanentohento sy tsy ho lefy hanitra !!!!
Mirary sy mampitondra teny fiononana feno ho an'ny fianakaviany sy ny sakaizany rehetra.

Hevitra mandeha

Malalason (13/10/2008 10:50:31)

Misaotra indrindra tompoko, tsisy mampionona aza mionona...fa dia tsara levenana ny maty, ny tenany no nandalo nihelina fa ny asa-sorany kosa mbola velona sy mitoetra ho antsika rehetra.
Malalason

Malalason (14/10/2008 10:51:34)

MIHELINA TOKOA

Valin’ny tononkalon’Ny Kanto hoe MIHELINA


Tsy ny olombelona ihany no miserana (mihelina)
Fa ny zava-drehetran’ny tontolo izao
Ka ny soa indrindra sy fanamperana
Dia mbola hielina tahak’izao

Kanefa aza adino ny kolokolony
Zay mitsimoka anaty tsy mety lany
Ireo dimby hamelona ny tontolony
Fa izy maty namela mamy.

K’aza misosok’alahelo intsony
Raha toa ka tonga ilay anjarany
Fa vita ny azy ny fanompoany
F’isika manohy an’ilay tantarany

Ary aoka isika hanongo tena
Samy hiaiky fa mbola ho any
Mino isika ary manantena
Fa hifankahita any an-danitr’any

Ny hany mba hafatro dia izao
Aoka isik’olombelona hifankatia
Fa mafy tokoa zany mifandao
Mifanao veloma mandrakizay doria

Malalason 13/10/08

NyKanto (30/10/2008 19:31:04)

misaotra an'i Malalason naneho setriny

Hametraka hevitra

Midira aloha

Mombamomba

Mpanoratra : Ny Kanto

Nampiditra : NyKanto
Daty : 27/09/2008
Mpamangy : 1984
Mankafy : 1

Tononkalo hafa

Tsy Manahy
MAVESATRA
Maty ilay tantely
Kalo anaty haizina
Fiofona
11-septambra
Ny Fahatsarana
Mpitazana-tazanina
Iarivo Mitomany
Misy rà mijininika