Iarivo Mitomany (Ny Kanto)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ho Fahatsiarovana ny Rova indray andro tapaky ny volana septambra

Iarivo mitomany

Irony tranogasy mevany mihantokantona eny an-tendrombohitra
Dia naneho toy ny mianjaika ireo biriky mena midorehitra
Rehefa iny novangian’ny tara-masoandro tratra hariva ...
Ô Indrisy ireny koa nihintsana, nosoloina trano miva

Ireo tantara mbamin’ny haingo nampiaiky izao tontolo izao
Ny Trano vola, Manjakamiadana, sy ny ala manga tao
Ô Vohitsara feno soa, feno laza, feno raki-tsarobidy
Ô Indrisy ireny koa fa may hotohoto kila, tsy tadidy

Dia tsy ho tazako intsony irony tamboho avo naorin’ireo Ntaolo
Mihintsana toa vony latsaka an-kady ; mipitrapitra ery ny maso
Tsy hahatsangana orimbato hisakana ny riakan’ny ankaso

Dia tsy ho henoko intsony ny fikoranan’ny tananako fahiny
Fa ny alahelo miavosa, sy ny gogogogon’amboahaolo
Ny ranomasolavan’Iarivo no hany reko ankehitriny

Ny Kanto. 2006-06-19
--------
Rohy:
Sokajy : Tanindrazana - embona
2716 0
Hametraka hevitra
Midira aloha
Momba ny tononkalo
Mpanoratra : Ny Kanto
Nampiditra : NyKanto
Daty : 22/08/2006 17:06
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0835