Misy rà mijininika (Ny Kanto)

Mbola tsisy niantsa

Hangataka antsa
(Nalaina tao amin'ny vetso.serasera.org)
Misy rà mijininika,
Mandeha moramora :
Ny ran’ny fahalalana
Ny ran’ny fihavanana
Ny ran’ny fitiavana
Ny ran’ny fahendrena
... Fa nosoloina vola
Sy haingitraingitra ho tola
Ireo lova sarobidy
Voakoaka moramora
Mijininika mora
Mandeha moramora
Miha-very ireo harena
Sy soatoavin’ny fahagola.

Misy rà mijininika
Mandeha moramora :
Ny ran’ny tantara
Ny ran’ny olomanga
Ny ran’ireo taranaka
Sy zanaka amam-para
... Natakalo fahajambana
Fitiavan-tena, filibana
Ny antoky ny ho avy
Voakoaka moramora
Mijininika mora
Mandeha moramora
Miha-very olon-kendry
Sy tanjona fikendry.

Ny Kanto. Parisy, aogositra 2006.
--------
Rohy:
Sokajy : Fiainana
2078 0
Hevitra mandeha
Malalason ( 21/08/2006 14:03)
inoako fa hikorina soamantsara ao @ sahan'ny fieritreretana tsara ny ity kalo kanto ity ka hitondra takom-pery tsy hamela holatra...
NyKanto ( 22/08/2006 17:13)
Mety hisy fanafany ve ny fahaverezan'ireo soatoavina malagasy marobe ankehitriny ? ... Miha-ratsy izao fiainana izao.
Malalason ( 25/08/2006 09:25)
Izaho mino fa hisy fanafany satria mbola misy ireo tapaporoha sisa tsy may, miaina izany soatoavina izany ka mbola mitana ny tena fahendrena malagasy na miha-ratsy aza ny fiainana tsy ahasakana azy izany...
NyKanto ( 26/08/2006 08:33)
Mafy sy sarotra ny mifikitra amin'ny tsara, toy ny milomano nefa tsy mira zotra amin'ny besinimaro ... nefa hoy ny ohabolantsika hoe ny fandio iray siny tsy mahaleo ny fandoto iray tandroka ...
karako ( 22/06/2007 17:50)
Aza kivy fa na ho ela na ho haingana hijanona ny ra ka hanolatra ny fery. Ny sehatra toy izao hikajy sy hikolo ny lovantsika : NY TENY.
Hametraka hevitra
Midira aloha
Momba ny tononkalo
Mpanoratra : Ny Kanto
Nampiditra : NyKanto
Daty : 17/08/2006 09:37
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101