Ilay Fitsikinao ... - Ny Kanto

Azo vakiana?

Fitsikinao ….

Feno misitery sy ankamantatra
Ilay Fitsikinao mijadona mahitsy
Vita sikotra eo i-molotrao mihintsy
Ny mandrakizay tsy tazako tsy fantatra

Ny Fitsikinao toa iposaham-pahatoniana
Farihy filomanosam-piadanana
Mamoha ny varavaran’ny fisainana
Ho amin’ny andro lavi-panahiana

Anefa  tsinjo koa mifangaraharo ao
Anaty tsikinao ireo adim-piainana mafonja
Fitsiky miaro fo tsy ho voafonjan’
Ireo tolona, hakiviana mifamaho

Zary miendrika fitaratra indraindray
Fahasarotan-kenatra maha-vaka ny fanahy
Sa fanajana izay asetrinao ahy
Ny Fitsikinao tsy ho adinoko mandrakizay

Ny Kanto. Parisy. Septambra 2006.

Hevitra mandeha

Malalason (15/06/2007 14:50:04)

mhmmm mahafinaritra

Mombamomba

Mpanoratra : Ny Kanto

Nampiditra : NyKanto
Daty : 15/09/2006
Mpamangy : 1978
Mankafy : 0

Tononkalo hafa

Tsy Manahy
MAVESATRA
Mihelina
Maty ilay tantely
Kalo anaty haizina
Fiofona
11-septambra
Ny Fahatsarana
Mpitazana-tazanina
Iarivo Mitomany