Izay mba fantatro aminao... (Ny Kanto)
Mbola tsisy niantsa
(Nalaina tao amin'ny vetso.serasera.org)
Izay mba fantatro aminao...Moa ho haiko ve ry Tompo ny hilaza
Ny halalin'ny Fitiavanao
Mba sokafy ireo molotro hanambara
Izay mba fantatro aminao
Fa nisy memy afo, fitsapana nahamay
Am-pototry ny ankaso ... niantso anao ry Ray
Dia indro ianao fa tamy, tsy namela anay ho irery
Nijoro teo anila, namerin-tsiky very
Nisy tahotra nangeja, nampitomany anay
Niha-maizina ny tany, dia ianao ilay Namanay
No tonga nampahatsiahy ireo tokim-pamonjena
Nitondra fahazavana, nampitraka sy onena
Tao koa ny ahiahy, nampihorohoro fo
Nanery aoka izany, hitsoaka ho aiza moa ?
F'ianao nibitsika hatrany tam-ponay lalina ao
« Minoa fotsiny ihany, Fiadanako ho anao »
Mandrakizay tokoa ny famindram-ponao
Tsy takatry ny loha, ankalazaiko anio izao
Ry Namanay Mpamindra fo
Koa misy ve fisaorana ampy hilazanay
Ny soa sesehena nataonao taminay
Mpanompo tsy mahasoa
Misaotra eran-tsaina
Mankasitraka eram-po
Anao ry Ray Tsitoha.
Ny Kanto Parisy faha-27 novambra 2005
--------
Rohy:
Sokajy :
Vavaka
Hevitra mandeha
bichette
(
27/12/2005 06:59)
Hisaorana anie ilay Andriamanitra be famindrampo, mahari-po, be fitiavana sy Ilay tsy manary ny zanany mandrakizay
Iony
(
17/03/2006 16:06)
Dieu a dit :Je ne te laisserai pas et Je ne t' abondonnerai jamais.Heb 3:5 mais vérifiez qd même le verset!!!
NyKanto
(
22/03/2006 15:15)
Misy sy velona Andriamanitra!