Maraina vaovao (Ny Kanto)

Nantsain'i
(Nalaina tao amin'ny vetso.serasera.org)
Vao mangiran-dratsy
Nifoha nitady Anao
Ao anatin’ny haiziko ao
Miantsoantso mitalaho :

Andriamanitra ô henoy
Mba henoy ny fitarainako
Akimpio ny masonao
Tsy hijery ny ota niainako

Andriamanitra ô jereo
Mba jereo ny fahalemeko
Asehoy ny herinao
Hamaha ireo fatotro mangeja

Andriamanitra ô raiso
Mba raiso ho ao an-tratranao
Rakofy ilay fitiavanao
Ny fivavako mihento

Andriamanitra ô valio
Mba valio ny antsoantsoko
Sokafy koa ny molotro
Hahaizako misaotra anao

Andriamanitro ô ampio
Mba ampio aho anio
Ampahirato ny masoandroko
Dia ho tsapako Ianao

Andriamanitra ô tahio
Mba tahio sy arovy
Halalao ny fari-taniko
Mitoera amiko ny tànanao

Andriamanitra ô lazao
Mba lazao indray anio
Misia ny mazava
Ho sarobidy eo imasonao


Ny Kanto, St François 5ora20min maraina, 2004-05-10
--------
Rohy:
Sokajy : Vavaka
3271 2
Mpakafy: tsotra1 - NyKanto
Hametraka hevitra
Midira aloha
Momba ny tononkalo
Mpanoratra : Ny Kanto
Nampiditra : NyKanto
Daty : 08/06/2004 20:12
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0784