You are here: home > Vetso

Mety ve ? - Ny Kanto

Azo vakiana?

Mety ve :

Raha fitia matory
No hotairinao, hofohazina
satria ianao no taitra

Raha Voankazo mbola manta
No handramanao hotazana
satria ianao no maika

Raha ny alin-diavolana
No lazainao fa atoandro
satria ny masonao jambena

Raha orana mikija
No hanondrahanao fitiavana
satria 'zay no tianao omena

Mety ve ? tena mety ve

Raha ny elany tsy hary
No hoentinao hanidina
nefa izy tsy mbola mahay

Raha fitia vao voafolaka
No hoentinao mihazaka
nefa izy tsy sahy sy manahy

Mety ve ?

Ny Kanto, Quai St Bernard. 10h. 2004-07-05


Sokajy : Fitiavana

Hevitra mandeha

bichette (05/07/2004 13:00:24)

ka ilay izy anie sao dia lasa hoe terena e ! sa za ve no tsy mahazo resaka ry zareo ???

bichette (05/07/2004 13:03:53)

malalason, sao tsy masaka akory ilay fitiavana iray, tsy amin'ny fotoanany dia ongotana ??? mila faharetana marina tokoa ! sady rhefa tena anjara dia omen'Atra sy atokan'Atra ho anao foana .Sa...???

NyKanto (05/07/2004 13:12:28)

" Ny vady hendry hono sitraka avy amin'i Jehovah"

Ny Kanto.

bichette (05/07/2004 13:55:25)

Ny sisa atao dia ny manantena an'Atra hanondro ilay vady amin'ny fotoanany e !

bichette (05/07/2004 13:56:09)

tsy hoe vady mantsy fa ilay tena fitiavana e ! diso kely hi ! hi ! hi !

NyKanto (05/07/2004 14:00:12)

Tsy hoe kosa ny "sisa " aloha raha ny fiheverako azy, "ny valala tsy azo raha tsy handriana ila, koa mainka fa ny vady ?" ... ny fiandrasana na faharetana tsy voatery hoe tsy manao n'inona n'inona ...
Ny Kanto

bichette (05/07/2004 15:51:23)

dia tokony hanao inona anefa ????? hoe mba mijerijery ve ?????

bichette (05/07/2004 15:54:11)

ka raha vehivavy ny tena dia ahoana ? miandry koh ! sa ahoana ?

Malalason (06/07/2004 09:35:27)

izao iska hoa tokony ahalala na efa fotoana mety ahamasaka ilay fitia na tsia fa indraindray anie izy io mila tsirina koa e

NyKanto (07/07/2004 09:13:21)

Marina izany!!!!samihafa tokoa ny fisehon'ny fitiavana eo amin'ny lehilahy sy ny vehivavy.

Ny Kanto.

Oully (21/07/2004 19:46:03)

Dia lalina ireto resakareo ry namako isany. Vady, anjara, faharetana, sns, ...
Ekeko daholo, na ny marina kokoa dia mbola mianatra manaiky.
Mankasitraka anareo!

Tohiny