You are here: home > Vetso

Rahampitso - Ny Kanto

Azo vakiana?

Rahampitso

Rahoviana vao ho mandina
Ireo tongom-bakivaky?
Rahoviana no ho bolangina
Ny efa ho taolam-paty ?

Maina sy mitritra izay jerena,
Isan’andro anefa mitanisa :
Harena, harena ... harena!!!
No mameno izany tanintsika!

Tsy fahaizana mitantana ?
Sa tsy te handray andraikitra?
Toa mandry fotsy feno sompitra
Miandry foana ny ho fahanana.

Ô ry Gasikarako ô! ny hakantonao mahajambena
Ny mpiavy sy mpandalo, anefa anie ka mahonena
Ny mijery ireto zanakao mitafy lambamena

Ô ry Gasikarako ô! Manangasanga an-dohako ao
Ilay fiarenanao, rahampitso iray vaovao ...vaovao
Ho sambatra tokoa ny Malagasy ravom-pandresena

Ny Kanto. Keele Univ.

Sokajy : Tanindrazana

Hevitra mandeha

jeroma (06/12/2004 13:42:50)

Ny kanto an ,
Ho tonga saina @ izay kosa angamba

jeroma (06/12/2004 13:43:09)

Ny kanto an ,
Ho tonga saina @ izay kosa angamba ny mpitondra @ io an
Njaka

NyKanto (06/12/2004 16:40:56)

Be ny fanantenako ny amin'ny fiarenan'i Madagasikara ka hakany ny toerana sahaza sy hampiavaka azy amin'ny sehatra rehetra ... mba manantena ny hahita izany aho amin'ny fahavelomako...

Hametraka hevitra

Midira aloha