Tara-bolana - Ny Kanto
Nankaiza ilay fenomanana
Tazako teto omaly ?
Tsy tsapako intsony ny tarany
Nampiato ny foko tsy hifaly
Nanaraka azy avokoa
Na sento na hanina am-po
Nentiny hifindra any ho any
Ny embona sy ny tomany
Nankaiza ilay haingon’ny alina?
Kintana sisa no teo
An-kianjan’ny lanitra lalina
Ho fanantenan’ny mitoreo
Tara-bolana anatin’ny haizina
Mandoro ny fo savolaina,
Mamely sy mahajambena
Taratra tena mahamay
Mandrakotra ary koa mampiray
Ny irery sy ny mahonena
Ny Kanto. Janoary 2004. Jussieu.
Mombamomba
Mpanoratra : Ny Kanto
Nampiditra : NyKantoDaty : 27/01/2005
Mpamangy : 843
Mankafy : 0
Ankafizo Azo vakiana?
Tononkalo hafa
Tsy ManahyMAVESATRA
Mihelina
Maty ilay tantely
Kalo anaty haizina
Fiofona
11-septambra
Ny Fahatsarana
Mpitazana-tazanina
Iarivo Mitomany
Hevitra mandeha
andriary (27/01/2005 15:51:25)
Antitra mampiady kalo
Ny antitra antitra ihany
Poety manao tonokalo
Fiko sy mamiko hatrany!
mankasitraka ny fivetsoana ny zava-boahary anaty fihetseham-po tsy hitan'ny maso,tsy tsy laitr'eritraritra fa tsapan'ny fanahy ny hafatra!mankalaza hoy Nyeja sy malalason fa ho avy ilay nitambarana e!
vetsoko (27/01/2005 16:23:45)
Ho an'I Ny Kanto:
Iny tara-bolana iny
Iny tara-bolana iny
tena betsaka mpaniry.
Vitsy anefa no itsikiany
ao anaty hirifiry.
Mazana anefa anaty alina
no fotoana hipotrany.
Anaty fahoriana lalina,
tonga izy manontany:
Inona no tsy ampy ?
Moa ve hazavana!
Ny hatsiaka ve no tsy tanty?
Rahampitso hisy hafanana.
Antenaina isan'andro
ny iposahan'ny masoandro.
...TSOA
27 janv 2005,Boissy St léger
bichette (27/01/2005 19:53:02)
ankafiziko
NyKanto (28/01/2005 14:42:30)
Saotra ho an'i Tsoa nanisy setriny mpitondra fanantenana...ho an'i Andriary naneho ny heviny sy fankasitrahany ary ny hafatra, mbola hifankahita eh!!!... ary ho an'i Bichette noho ny fankafizany...
