Voafintana (Ny Kanto)

Voafintana

Manasa anao hono hiditra.
Hividy sy hivarotra,
Hilalao ny soamiditra.
Araho ny dokam-barotra.

Dia lanio ireo tahiry,
Midi-trosa, midi-kizo,
Fa tsy ho renao ny hirifiry.
Toe-karena hono no voizo.

Aza mitsahatra hono mihinana.
Vokiso tsara aloha ny kibo,
Ankimpio ny maso raha mahita
Ny mangetaheta tsy mihinana.

Mandrapaha-tapitra sy ringana
Ny vola eo ampelatananao,
Milofosa hono, milalaova
Fa holaninao ny kakan-pintana.

Ny Kanto, Parisy, aogositra, 2004
--------