Vongan-dranomaso (Ny Kanto)
Mbola tsisy niantsa
(Nalaina tao amin'ny vetso.serasera.org)
Ho Setrin'ny tononkalo RAHA HO ANY IANAO "Andriary sy Ravaomanahirana"Bongo mason’ny tomany
Ilay nandray ny hafatrao
Ka rahoviana hono izany
Fa ny tontolony miha-lao ?
Embon-tsiky tsy fahita
Nitsiry teny an-tavany
Efa ela izy tsy nahita
Anao teo an-tratrany
Ny manga kely hitany
Amin’iny lanitra iny
Toa mangarika ny vintany
Anefa mbola iriny
Dia tsy ho sahiko akory
No nijery ilay endriny
Ilay sarinao toa nampahory
Namohafoha ny feriny
Vongan-dranomaso
Nataony an-taratasy
Tsy ho mainan’ny ankaso
No nalatsany hikasa :
„Hisy farany izao
fisarahan-toerana izao...
dia izay ihany ... hoe : tomany
Ny hafany ho anao...”
Ny Kanto Janoary 2005.
--------
Rohy:
Sokajy :
Fitiavana
Hevitra mandeha
andriary
(
03/02/2005 12:55)
Mampirisika ny hanoratra sy hamaky ary hankafy ny tsimbalivaly an-tonokalo ka ankasitrahana ny fomba namoahana lay onjam-po tany anatinao ary mitopy ny tany anatinay koa!