MPANENJIKA (RA Freddy Jn)

Maro no kivy nohon'ny nataonareo,
Ka mitaraina lava sy tena leo
Izaho kosa nefa dia faly tokoa
Noho ianareo izay nitondra soa

Ny marina mantsy dia tsy fantatrareo
Fa ny ataonareo dia hanatra ho ahy
F'ianareo dia mpanao fefy ho ahy rahateo
Ka mihatsara ny ho aviko fa tsy mampanahy

Tiako ianareo satria tia ahy
R'ilay mpanenjika sy mpitsikera
Ka aza menatra ny hanenjika ahy
Taitairo foana aho sao hitaveravera

Isaorako hatrany fa raha tsisy anao
Dia mibolila ny lalan-kalehako
Koa enjeho ihany aho raha sitrakao
Mba tsy ho kivy amin'ny fiainana hatrehako

Mankasitraka indrindra ary koa mankatelina,
Vonony ny saina sy ny herinao
Mijoroa ry mpanenjika ary aza miverina
Fa sitrako loatra ny ataonao


RA Freddy Jñ
25 Aprily 2021
--------